عضویت العربیة
پنجشنبه، 2 مرداد 1393 (سال اقتصاد و فرهنگ با عزم ملی و مدیریت جهادی)
دعای روز بیست و پنجم: اللَّهُمَّ اجْعَلْنِى فِیهِ مُحِبّا لِأَوْلِیَائِکَ وَ مُعَادِیا لِأَعْدَائِکَ مُسْتَنّا بِسُنَّةِ خَاتَمِ أَنْبِیَائِکَ یَا عَاصِمَ قُلُوبِ النَّبِیِّینَ.
مسیر جاری : صفحه اصلی/انجمن ها/هنر/ادبیات/شعر

اشعار ترکی - امام حسین (ع)

اشعار ترکی - امام حسین (ع)
سه شنبه 28 دی 1389  11:26 PM

منبع: http://www.emam8.com

 

امام حسین(ع)دربالین علمدارکربلا

 

اوجا  بوی شسلی قامتلی دلاور قارداشیم لای لای

 بلا   دشتینده مین   تیپه  برابر قارداشیم لای لای

 

گوزوم   نوری  باشیم تاجی   ابالفضلیم  علمداریم    

 اویان قارداش بئلیم سیندی پریشان اولدی افکاریم

خیامه من نئجه سنسیز گئدیم ای   شانلی سرداریم      

ملک منظر،قمر طلعت  ، مطهرقارداشیم  لای لای

****

آماندیر آچ گوزون   منله دانیش گوفتاروه قوربان       

آتام شیر خدا   تک شیوه ی  پیکارووه    قوربان

اولا عالملرین جانی  دوشن     قوللارووه   قوربان    

سالان کشتی کیمی نهراوسته لنگر قارداشیم لای لای

****

بو آب  عشقدیرحتی بونا    خیضرین    الی   یئتمز    

 کیم اولسا   تشنه     بوآبه   فراته   اعتنا    ائتمز

سنون قارداش بو ایثارون یادیمدان هئچ زامان گئتمز         

 ائده ن ای نفسینی  رام ای هنرور  قارداشیم لای لای

*****

نئجه من ال چکیم قارداش بوجسم چاک  چاکوندان      

کی یئر گوی فیض  آلیرالان صفالی  قانلی خاکوندان

بابامین  عطرینی آلدیم     سنون انفاس    پاکوندان      

 مشام   جانیمی      ائتدین  معطر قارداشیم لای لای

***

اوزون قوللارووی  دوشمن  ائدیب  قارداش  جودا  تنده ن     

 سلام  اولسون    بو   قوللاره  بو  پاره مشگووه  منده ن

آلار عالمده   غیرت      درسینی   آزاده لر         سنده ن   

  ائده ن   عاشیقلرین   قلبین   مسخر   قارداشیم لای  لای

 

شعر: شهودی بستان آبادی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:26 PM

 قبر پاکین یا حسین مدّتدی که ایسته‌ر کونول
زاره گلمیش بیر مقام آه وزار ایسته‌ر کونول

 
مـعصیـت‌کــارم منـه تـوفیقیـن هــر گـه یـار اولور
نقطه‌ی مجرم گئده‌ر، دل محرم اسرار اولور
قبر اکبر عاشئق منصوره پای دار اولور
پایدار اوْلماقلیقا بیر پای دار ایسته‌ر کونول

کنج غمده بیر نفر یوْخ منله هم‌آواز اوْلا
آز قالیبدیر مرغ روحیم جیسمده‌ن پرواز اوْلا
ایسته بو جانیم سر کویینده پای‌انداز اوْلا
دوت الیمده‌ن غم گونونده غمگسار ایسته‌ر کونول

هر طرف اسکندر دل آب حئیوان آختاریر
ظلمت غمده گذیر، لعل بدخشان آختاریر
جان وئره‌ن عاشق همیشه کوی جانان آختاریر
جان نثار ائتمه‌کلیگه بیر جان نثار ایسته‌ر کونول

ائیله‌ییب شوق وصالین واله وحئیران منی
وادی حئیره‌تده قوْیما بئیله سرگردان منی
قوْرخورام سالسین آیاقدان محنت هئجران منی
هجر الینده‌ن جانه گلمیش، وصل یار ایسته‌ر کونول

پرتو نور خیالینله دوْلوب صحرای دل
گؤزیاشیم تک موجه گلمیش جوش ائده‌ر دریای دل
طور عئشقینده مناجات ائتمه‌گه موسای دل
طاقت وتاب آختاریر، صبروقرار ایسته‌ر کونول

حجله‌گاه قاسیمی هر لحظه کیم یاد ائیله‌ره‌م
نی کیمی گلله‌‌م نوایه، دادوفریاد ائیله‌ره‌م
عئیش وعئشره‌ت مُلکینی، آهیله برباد ائیله‌ره‌م
چون تن تبدار، چشم اشکبار ایسته‌ر کونول

خاطریم اوْلموش پریشان سُنبل وسوسن کیمی
خلقیده‌ن کسمیش علایق رشته‌سین سوزن کیمی
چوْخ سئوه‌ر قبرین چکه، آغوشه پیراهن کیمی
جان وئریب وصله یئته پروانه وار ایسته‌ر کونول

تُند باد هئجریله سوْلموش گولوستانیم منیم
غصصه‌ده‌ن اوْلموش خزان گلبرگ خندانیم منیم
نطق یوْخ دیلده‌ن دوشوب مرغ خوْش‌الحانیم منیم
بلبل شوریده تک فصل بهار ایسته‌ر کونول

سیل غمده‌ن آز قالیر بُنیاد جان اوْلسون خراب
زورق جسمیم اوْ سیل ایچره قالیب مئل حُباب
محفل وصلین خیالیله اوْلوب باغریم کباب
اختیاریم یوْخ نئدیم، بی‌اختیار ایسته‌ر کونول

شور عشقین شُهرتی ازبس کی عالم‌گیر اوْلوب
بینوا (صرّاف) اوْدور مجنون کیمی  ‌زنجیر اوْلوب
آب و خاک غمله گویا طینَتیم تخمیر اوْلوب
محنت- ودرد ومصیبت هر نه وار ایسته‌ر کونول

شاعر:سیّد رضا صرّاف

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:27 PM

امام حسینینین ابالفضلین باشی اوسته گلمه سی

آچ     گوزلروی   یاتما   علمداریم   ابالفضل

ترک ائتمه منی غم گونی غمخواریم ابالفضل

***

ای کان   حیا   معدن     ایمان     آتام اوغلی 

ای تشنه فرات اوسته وئره ن جان آتام اوغلی 

عالم   بو دوشن    قوللارا  قربان آتام اوغلی 

کسگین    قیلیجیم   محرم  اسراریم ابالفضل 

***

میل   ایلمه  گاهی  ساغا   گاهی سولا قارداش 

ساغ  لیقدا یاراشمیر سنه رنگین سولا قارداش 

مخیمده   تیکیب   اهل حرم گوز   یولا قارداش 

گوزلور   یولوی   خیمده   بیماریم   ابالفضل

*** 

قارداش یارادان قدووی رعنا یارادیبدیر 

غیرتلی شهامتلی دل آلارا یارادیبدیر 

لب تشنه سولان قیزلارا سقا یارادیبدیر 

قربان اولا عالم سنه سرداریم ابالفضل

اثر-علی شهودی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:28 PM

گیرنده کوفیه زینب باخوب جدا باشینا

دیردی درد دلین اوز یارالی قارداشینا

گلوبدی نیزده قانلی باشون دله قارداش

کلام حقی اوخور اهل باطله قارداش

 

دوباره یاره وروبلار آخار باشون قانی

یانار بلالی باجون بیله نسگله قارداش

گچن گجه باجون اولسون کول اوسته یاتمیشیدون

محاسنون بلشوب توپراقا کوله قارداش

اوقان دولان گوزون آچ در بدر عیالیوه باخ

ووروبدو بوینوموزا شمر سلسله قارداش

یاناندا خیمه لرون یانمیشام آنان اوغلی

دونوبدی آه دلیم اودلی مشعله قارداش

اوقدر قمچی ووروب شمر قوللاریم گویروب

بوغملریله باجون اولمیوب هله قارداش

ندن سوروشموسان احوالینی بوخون جگرین

سالار باجینی گوزوندن مگر بیله قارداش

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:29 PM

کیم حسینین درگهینده شهرت خدمت تاپار

هم بو دنیا هم او دنیاده گوزل عزّت تاپار

 

بو مقدّس آستاندا صدقیله خدمت ایدن

آند اولا بو آستانه گون به گون قیمت تاپار

آستانیندا حسینون سیندیران شخصیّتین

سانما شانی آزا لار سیندیقجا شخصیّت تاپار

خادم اولماق هر کسه ممکن دگل بو درگهه

سالنما بو توفیقی هر کس ایتمسه همّت تاپار

شرطی وار بو منصب پر افتخاره یتماقین

بیله بولمه بو مقامی هر بشر  صورت تاپار

اولین شرطی بو عالی منصبین اخلاصیدور

منزلت تاپماز ریائیله گلن نکبت تاپار

اولمیوب بیر کس صفائیله گله نومید اولا

هاردا بیله بیر قاپی عالمده بیر ملّت تاپار

هیچ درگاهه قیاس اولماز حسینون درگهی

خوش اونون احوالینه بو حضرته نسبت تاپار

بیرده لازیمدور حسینون خادمی یکرنگ اولا

کیم بیر اوزلی گلمسه بو درگهه خفّت تاپار

منصب دنیایه توولانماز حسینون خادمی

خیر گورمز کیم بو شهدن چکسه ال خسرت تاپار

بیر ائله شان و جلالت حق بو درگاهه ویروب

کیم اوزون بو درگهه ییخسا بویوک رفعت تاپار

قونمیوب ذلّت توزی قونماز بو عالی درگهه

بیله فکر ائتمه حسینون خادمی ذلّت تاپار

چون حسینیلندی هر  آزادی و آزادگی

عبد اولان آزادمرد انسان«حریّت» تاپار

بیر نچه یرده حسین اوز خادمین یاده سالار

بیر بو دنیاده او دم که چوخ غم و محنت تاپار

بریده لطفیله گلر جان تاپشوران ساعاتیده

چون بولر انسان ائله ساعتده چوخ زحمت تاپار

قابض روحه دیر رحم اتیت بیزه خادمی بو

گوندن آیدین دور که عزرائیل او دم رقّت تاپار

بیرده اونا که اونی ائل لر قویا قبره گیدر

تک قالارکن قبر اویی ظلمت گورر وحشت تاپار

وار عقیدم بیر ائله وحشتلی ساعتده حسین

خادمین غمدن قوتارسون حقّدن رخصت تاپار

اونا کی گوردی ایشیقلاندیردی قبرین نور حق

قلبده وحشت گیدر اوز قبرینه الفت تاپار

بیرده محشرده شفاعت ایتماقا اوز خادمین

لطف اوزیله آختارار بی شبهه اول حضرت تاپار

اونا کی هر کس قالار اوز قیدینه فریاد ایدر

او حقیقی خامین اول شافع امّت تاپار

هر آدین خادم قویان خادم اولانماز بو سوزون

حکمتین دنیاده اهل منطق وحکمت تاپار

عمده شرطی بیرده تقوادور بئله بیر منصبین

اولماسا تقوی چتین بیر کس بئله رتبت تاپار

بوردا خوشدور «شانی» مرحومدن خوش یاد اولا

چونکه دوز خادمدی دوز خدمت این رحمت تاپار

مطلبین حقّین گوزل بیر طرزیله ایلوب ادا

حالینه طوبی ، گوزل خدمت گوزل  اجرت تاپار

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:30 PM

منیم پناهيم اميد‌گاهيم، دایان حسينيم سنه سوزوم وار
اوپــوم ایاقون یانـان ددوداقون، امان حسينيم سنه سوزوم وار

 

 
دایــان بـــراد‌ر عــزیــز مــاد‌ر، گلیـر دالـينجـا پیـاده زینب
هـارا گئدیرسن؟ شتاب ائدیرسن، قالوبدي بحربلاده زینب
نـه چــاره ائیلیــم یانـيـر بـو قلبیـم، چکیبدی درد زیاده زینب
وداع آخر توقف ائت بیر، زمان حسينيم سنه سوزوم وار
 
باجووا لطف ائت بیر آز دایان گئت، اماندي قارداش آماندي ئوللـ‌م
گـوزومده یاشيـم آغـاردي باشيم، غمیم بیلیرسن گراندي ئوللـ‌م
اییلدی قدیم، یارالي قلبیم خـد‌نـگ ظلمــه نشانديـر اوللـ‌م
تـرحم ائیلــه آتــووا وئرمه، عنان حسينيم سنـه سـوزوم وار
 
بــو غمــده قيــزلار غمه گرفتــار، حرمسـراده قاليبـدیـر آغـلار
او فوجي آیــا بــو چــولـده تنهــا، بلالـي زینب نه نوعـی ساخـلار
تعـجــبیـم وار مگـــر آتــالار، بالالارينـــي بــو نحـــوی یـــوخــلار
کومکلری یوخ، بلالری چوخ، اینان حسينيم سنه سـوزوم وار
 
اگربـراد‌ر قــیيتمـاقيــن وار، او کهنــه کـوینــک ندیـر بـد‌نـده
ئورک سيخیلدی ايویم یيخیلدی، او کوینـ‌گی سن آليب گينده
منــه بس اولـدي، مشخـص اولدي، سنـی سویارلار یقیـن ئولنده
همیشه مغموم همیشه مظلوم، اولان حسينيم سنه سوزوم وار
 
قيــزون رقیــه دییــنــده عمـه، هـانـي بابام بس ائـــدیم نـه چـاره
نئجــه دئییــم مــن گئــدیبدیر الان، خیامــه گلمـ‌ز بابــون دوبــاره
او باغــري قـانـــلار او آغــلیـانــلار، بـالالارونـــدور ائـــدیـــر نظـــاره
آتيب گئدیرسن اوْلارا سن سن، گومان حسينيم سنه سوزوم وار

شاعر: انور اردبیلی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:31 PM

اگر شهره ی خاص وعام اولموشام
اگر نایل اخذ کام اولموشام
 گرفتار عشق مدام اولموشام
 نه شاهم نه خلقه امام اولموشام
  فقط اهل بیته غلام اولموشام

 

 
من اوز یاریمی  عالمه ورمرم
کرملی شاهی حاتمه ورمرم
علی آقام دیل غمه ورمرم
اونی عیسی مریمه ورمرم
بو سرمایه چوخدی کمه  ورمرم
اوجوز ساتمارام یک کلام  اوموشام
فقط اهل بیته غلام اوموشام
 
حسینون اگر گول دوداغی  گوله
قالار غنچه حیران گول ایستر اوله
اوچ آیلیخ آچان گول لری آت چوله!
حسین حسنونی بولچی گر دوز بوله
چاتار ذرّه سی یوسف خوشگله!
کیمین گور کمندینده رام اوموشام
فقط اهل بیته غام اوموشام
 
حسینون آدون یاز قرا پرچمه
اونی ور نشان عیسی مریمه
ائدر گور مسیحا نه لر زمزمه
دیر آند اولا چکدیگیم هر دمه
اونون ورمرم بیر توکون  عالمه
قسم خورده ی شیر مام اولموشام
فقط اهل بیته  غلام اولموشام
 
منی آللادانمز اهل غرض
یا ذوالفی غنی فی قلوبین مرض
حسین جوهر جاندی عالم ارض
بهشتی منه ورسه لر الغرض
 آلوب کربلیله ائتمم عوض
ده زاهد مگر من عوام اولموشام
فقط اهل بیته غلام اولموشام.

شاعر: کلامی زنجانی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:31 PM

گل خئیمه‌لر تالاندێ یا سییئد-وْ-الائمه
بیمارون اوْددا یاندێ یا سییئد-وْ-الائمه

 


شئمرین الینده خنجه‌ر، خون-ی-خودایه باتدێ
زهرا اوْ قانێ دۆتسۆن، گوْداله معجه‌ر آتدێ
«زینب»ده تللین اۆسته، باشدان الین اۇجاتدێ
بیر قاچدێ بیر دایاندێ، یا سییئد-وْ-الائمه

یاتما نجف چؤلینده، گل گؤر نه وار مناده
قۇربانلارۇن کسیلدی، قان داشدێ کربلاده
تۇفان-ی-ظۆلمه دۆشدۆ، غرق اوْلدۇ خانه‌واده
عاله‌م قرا بوْیاندێ، یا سییئد-وْ-الائمه

هر آن یاغار یئر اۆسته، گۆن کۆره‌سینده‌ن آذه‌ر
قۇملار قێزێب یا پیشمیش، قان یاره‌لرده قَینه‌ر
بۇ حالیده حۆسئینه لازێمدێر آب-ی-کوثر
سۇ تئز گتیر اماندێ، یا سییئد-وْ-الائمه

گل قوْیما ذوالفیقارون الده‌ن اله یئتیشسین
میراث-ی-انبیانی، اغیار الینه دۆشسۆن
اهل-ی-حره‌م ایساره‌ت چنگالینه ایلیشسین
ظوْهر اوْلدۇ ایش دوْلاندێ، یا سییئد-وْ-الائمه

سئل تک تؤکۆلدۆ لئشکه‌ر یوْخدۇر اوْنۇن حئسابی
باغلاندێ کربلاده، ظۆلم-وْ-بلا کیتابی
شاهانه خئیمه‌گاهون، پیراهه‌ن-وْ-طنابی
دوْغراندێ پارچالاندێ، یا سییئد-وْ-الائمه

دۆشمه‌ن سوْیۇب آپاردێ، خرگاه-ی-شاه-ی-دینی
زنجیره باغلایێبلار اطفال-ی-نازه‌نینی
زینب اوْلۇب حۆسئینین گویا کی جانئشینی
سولتان-ی-کارواندی، یا سییئد-وْ-الائمه

قاتیل سالێب یۆز اۆسته، مظلوم-ی-کربلانی
آرخاسێ اۆسته دؤنده‌ر، «مذبوح مِن قَفانی»
گل رو بئقئبله ائیله، بۇ مؤحته‌ره‌م فدانی
آخه‌ر وضوسی قاندێ، یا سییئد-وْ-الائمه

اوْل باخبه‌ر حۆسئینین بی‌حدّ یاره‌سینده‌ن
سینه یاراسێ چوْخدۇر، چرخین سیتاره‌سینده‌ن
دریای-ی-قتلگاهه، اعضای پاره‌سینده‌ن
قان سۇ کیمی رواندی، یا سییئد-وْ-الائمه

آتلارا نعل-ی-تازه، وۇردۇلا اشقیالر
محو ائیله‌سینله نعش-ی-سولتانی چارپالر
تئز درک ائله حۆسئینی بلکه اوْ بی‌حیالر
گؤردی سنی اۇتاندێ، یا سییئد-وْ-الائمه

بۆلبۆلرون داغێلمێش صحرایه دسته-دسته
گۆلزاری ترک ائدیبدیر، موْرغان-ی-پرشیکه‌سته
گرد-وْ-غوبار ائنیبدیر افسورده گۆللـه‌ر اۆسته
گۆلشه‌ن سوْلۇب خزاندی، یا سییئد-وْ-الائمه

کم ائتمه یحیوی‌ دن انعامیوی اماندی
عئشقیزده باغلانێبدێر زنجیره چوْخ زاماندی
یعنی سیزین قاپێزدا شاعیردی نوحه‌خوان دی
هم کلب-ی-آستاندێة یا سییئد-وْ-الائمه

 

 

شاعر: یحیوی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:32 PM

 

سۇ یـوْللارێن کسـدی عـَدو، یانـدێم عمـو یاندێم
ائحسان ائله بیر جوْرعه سۇ، یاندێم عمو یاندێـم

 

 


بیلله‌م عموجان محضه‌روندا حۆرمه‌تیم واردێر
باخ گؤر ایاق اۆسته دایانماق طاقه‌تیم واردێر
یاکی سۇسۇزلۇقدان دانێشماق قۆدره‌تیم واردێر
بیر جوْرعه سۇدان اؤتری من، یاندێم عمو یاندێم

بیربیر بۇ خئیمه‌گه‌له‌ری گزدیم سوْراق ائتدیم
سۇ تاپمادێم ائی سروه‌ریم، من هر یئره گئتدیم
اۇمۇدیله‌ن درگاهیوه، آخه‌رده یۆز گتدیم
باب-ی-کره‌مدیر بۇ قاپێ، یاندێم عمو یاندێم

من قوْی دوْلانێم باشیوه، چۆن شمع-ی-پروانه
سن ده طبابه‌ت ائیله بۇ درده طبیبانه
باخ بۇ لب عطشان قێزلارا، آواره طئفلانه
ائیله‌ر نئجه سۇ جوْستئجو، یاندێم عمو یاندێم

تنگه سالێب سوزئ عطه‌ش، بسکی اۇشاقلارێ
سینه آراسێنا باسێل‌لار ایستی قۇملارێ
گؤر ایش هارا چاتمێش حۆسئنین خێردا قێزلارێ
اوْد دان ائدیر سو آرئزو، یاندێم عمو یاندێم

چێخمێش صئدای العطه‌ش، عرشه بۇ مأواده
دیققه‌تله باخ بۇ ناله-وْ-افغان-وْ-فریاده
بیر قطره سۇ اۆستۆنده دیر، بۇ غملی صحراده
بۇ کئشمه‌کئش بۇ های-وْ-هو، یاندێم عمو یاندێم

شیرین دیلیم نازلێ قێزێم، گؤز یاشیوه قۇربان
آب-ی-فراتی باغلارام، من خئیمییه الآن
صبر ائت بالام بۇ دیللـه‌رون ائتدی منی گیریان
ائتمه یانێغلێ گوْفتئگو، یاندێم عمو یاندێم

ائی کربلا سولطانێ‌نێن غئیره‌تلی سرداری
آل بۇ قۇرۇ مشکی آپار، دوْلدۇر سۇدان باری
سیراب قێل، آللاه ریضاسینه، سۇسۇزلاری
ائی اهل-بئیته-آبئرو، یاندێم عمو یاندێم

گهواره‌ده غش ائیله‌ییبدیر، شیرخوار اصغر
نه سۆد وار امسین، وار نه سۇ ایچسین آخێب گؤزله‌ر
رنگی طراوه‌تده‌ن دۆشۆب، برگ-ی-گۆله بنزه‌ر
سوْلمۇش اوْ طئفل-ی-ماه رو، یاندێم عمو یاندێم

ایسته زییاره‌ت یحیوی انعام-ی-اشعاره
عبّاسی امما وئر قسه‌م، اوْل وقت-ی-دوْشواره
عرض ائیله‌دی عطشان سکینه، اوْل وفاداره
سۇ یوْللارێن کسدی عدو، یاندێم عمو یاندێم

 

 

شاعر: یحیوی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر

پاسخ به:اشعار ترکی - امام حسین (ع)
سه شنبه 28 دی 1389  11:33 PM

یارالار سینوْندا قارداش، گۆل-ی-گۆلسیتانه بنزه‌ر

آغارێب منیمده زۆلفۆم، چمن-ی-خزانه بنزه‌ر

 


نئجه شرح ائدیم برادر باشێمێن مصیبتینده‌ن

کی گؤرۆندۆ بیر نمونه بشرین قیامتینده‌ن

نئچه ساعتین ایچینده، غم-وْ-جور شدّتینده‌ن

باجۇوۇن رشیده قدّی، اگیلیب کمانه بنزه‌ر

 

نئجه زینبۇن ریضادێر، سنی یاندێرا حرارت

بیلیسه‌ن کی سایه‌بانه، یوْخ الیمده ایستطاعت

بۇ مکاندا دود-ی-آهیم، ائله‌ییر منه حمایت

کسر ایستی‌نین قاباغێن، سنه سایه‌بانه بنزه‌ر

 

بۇ جنازه‌لر کی باشسێز تؤکۆلۆبدۆ ریگزاره

نه جلالیله‌ن سالێبلار، سنی دوره‌ده‌ن حیصاره

اوْلارێن باشێ جیداده، دۆزۆلۆبدۆ چون سیتاره

وَسَطینده قانلێ باشۇن منه آسمانه بنزه‌ر

 

سن اۇشاق ایدون، اؤپه‌ردی اۆره‌گۆن بابام پیمبر

بۇ یئره دییه‌ردی بیر گۆن دَیه‌جک یارا مکرّر

گؤرۆره‌م دگیب کئچیب اوْخ، سوْرا سانجێلێبدێ خنجر

بۇ یارا بابام محمّد، دئدیگی نیشانه بنزه‌ر

 

جیگروندا وار حسین جان، علی اکبرین یاراسێ

اۆره‌گۆن قانێلا سیراب، اوْلۇر هز زامان بناسی{؟}

دۆشه‌جَکدی شرق-وْ-غریه، اوْ یارانێن انجلاسی

تر-وْ-تازه دیر همیشه، گۆل-ی-ارغوانه بنزه‌ر

 

اوْ زامان گؤره‌نده شئمرین قانا خنجری بوْیانمێش

حَرمون، باجۇن، کنیزون، باشۇوا گلیب دوْلانمێش

قاچا-قاچدا بۇ مکانه اوْ قده‌ر آیاق توْخانمێش

کی کنار-ی-قتلگاهون، ره-ی-کاروانه بنزه‌ر

 

بالاجا قێزۇن رقیّه، اوْ عزیزه نازدانه

دوْلانێبدێ آت دؤشۆنده، اۆره‌گی دؤنۆبدۆ قانه

یۆزۆنه دَگیبدی سیلی، باشێ اۆسته تازیانه

سارالێب سوْلۇبدۇ رنگی، ساری زعفرانه بنزه‌ر

 

سن ای آفتاب-ی-عزّت، ائله نئیزه‌ده‌ن نیظاره

نئجه گؤره بیزه اێشێق گۆن، گئجه تک اوْلۇبدۇ قاره

هامێ اَختَران-ی-عصمت، دۆزۆلۆبدۆ بیر قطاره

ره-ی-قبله‌نین دلیلی، صف-ی-کهکشانه بنزه‌ر

 

اۆره‌گیم باشێن آلاندا، غم-وْ-محنتون سحابی {بۇلۇد}

اوْ بیلیر عزالیام من، یۆزۆمه سپه‌ر گۆلابی

تؤکۆلۆر سرشگ-ی-چشمیم، یئره ایسلادێر ترابی

گؤزۆمۆن یاشێ آخاندا، مژه ناودانه بنزه‌ر

 

گزه‌ره‌م بۇ گۆلسیتاندا، گله‌نی صفالی گؤرره‌م

آچێلان گۆلۆن ایچینده، دۆزۆله‌ن تیکانی درره‌م

قطرات-ی-اشگیم‌ ایله گۆله؛ گۆلشه‌نه سۇ وئرره‌م

گؤره‌سن وفالی زینب، نئجه باغبانه بنزه‌ر

 

دل-ی-یحیوی ده دائم اوْلۇ جیلوه‌گر بۇ نیّت

گینه بیر گئجه جمالون یۇخۇدا ائده زیارت

بیلیسه‌ن کی آشیانی نه قده‌ر تاپار شرافت

دوْلانۇر سرای-ی-مئسکین، اوْ گئجه جنانه بنزه‌ر
 شاعر یحیوی

 

 

اللهم العن اول ظالم ظلم حق محمد وآل محمد وآخر تابع له علی ذلک  اللهم العنهم جمیعا
savin125125

savin125125
کاربر طلایی2
تاریخ عضویت : تیر 1388 
تعداد پست ها : 5143
محل سکونت : بوشهر
دسترسی سریع به انجمن ها